സൂര്യനും ചന്ദ്രനും രണ്ട് ന്യായമോ?

കെ.കെ. ആലിക്കോയ


പാകിസ്‌താന്റെ വടക്കുപടിഞ്ഞാര്‍ ഭാഗത്തുള്ള നോര്‍ത്ത് വസീരിസ്താനിലെ മീര്‍ അലി ജില്ലയില്‍ ആഗസ്‌ത് 17 വെള്ളിയാഴ്‌ച ഹിലാല്‍ കണ്ടതായി ആറു പേര്‍ അവകാശപ്പെടുകയും അത് പ്രാദേശിക ഉലമാ സമിതി അംഗീകരിക്കുകയും ശനിയാഴ്‌ച ഈദുല്‍ ഫിത്വ്‌റ്‌ ആഘോഷിക്കാന്‍ തീരുമാനിക്കുകയും ചെയ്തതായി ഒരു വാര്‍ത്തയുണ്ട്. സാധാരണ ജനം പലതും പറയും; നമ്മുടെ ഉലമാ സംഘങ്ങള്‍ പലതും അംഗീകരിക്കുകയും ചെയ്യും. അതിന്റെ വ്യവസ്ഥയോ ന്യായമോ ശാസ്ത്രീയതയോ ഒന്നും ആരും ആരോടും ചോദിക്കാറില്ല; ചോദിച്ചിട്ട് ഫലവുമില്ല. ഇനി അവരോടാരെങ്കിലും ചോദിച്ചാലോ? നൂറ്റാണ്ടുകള്‍ക്ക് മുമ്പ് എഴുതപ്പെട്ട ചില കൃതികളില്‍ അങ്ങനെ കാണുന്നു; ഇങ്ങനെ കാണുന്നു; ഇത്യാദി മനംപിരട്ടലുണ്ടാക്കുന്ന മറുപടി മാത്രമേ അവരില്‍ നിന്ന് പ്രതീക്ഷിക്കേണ്ടതുള്ളു.

പാകിസ്താനിലെ പ്രധാനപ്പെട്ട 18 കേന്ദ്രങ്ങളിലെ ഇന്നലത്തെ (17/08/12) അസ്‌തമയ സമയം ഞാന്‍ പരിശോധിച്ചുനോക്കി. ഇസ്‌ലാമാബാദ്, പെഷവാര്‍, അബട്ടാബാദ്, ബഹവല്‍പൂര്‍, ചെനാബ് നഗര്‍, ഫൈസലാബാദ്, ഹൈദറാബാദ്, ഝലം, കറാച്ചി, ഖുഷാബ്, ലാഹോര്‍, മുള്‍ട്ടാന്‍, മുറീ, ക്വെറ്റ, റാവല്‍പിണ്ഡി, സഹിവാല്‍, സര്‍ഗോദ, സിയാല്‍കോട്ട് എന്നിവിടങ്ങളിലെല്ലാം സൂര്യന്‍ അസ്‌തമിക്കുന്നതിന്റെ 23 മുതല്‍ 29 വരെ മിനിറ്റ് മുമ്പ് ചന്ദ്രന്‍ അസ്‌തമിക്കുന്നുണ്ട്. എന്നിരിക്കെ ഈ ആറു മഹാന്‍മാര്‍ എന്താണ്‌ കണ്ടതെന്ന് ആര്‍ക്കറിയാം! ഇവരുടെ വാക്ക് വിശ്വസിച്ച മതനേതാക്കന്മാര്‍ എന്ത് വിധിയാണ്‌ പുറപ്പെടുവിച്ചതെന്ന് ആര്‌ കണ്ടു? ഇതൊക്കെയാണ്‌ പാകിസ്‌താനിലെ നമ്മുടെ സമുദായത്തിന്റെ കോലമെന്ന് നാമറിയണം. നമ്മുടെ നാട്ടിലുള്ളവരും ഏറെ മെച്ചപ്പെട്ടവരൊന്നുമല്ലെന്ന തിരിച്ചറിവും കൂട്ടത്തില്‍ ഉണ്ടാകണം.

ഇന്ന്, ആഗസ്‌ത് 18 ശനിയാഴ്‌ച സന്ധ്യക്ക് സൂര്യന്‍ അസ്‌തമിച്ച് 25 മിനിറ്റ് കഴിഞ്ഞിട്ടാണ്‌ ചന്ദ്രന്‍ അസ്‌തമിക്കുക. അത് കണക്കുകൂട്ടി മനസ്സിലാക്കുന്നതാണ്‌. സൂര്യനും ചന്ദ്രനും കണക്കനുസരിച്ചാണെന്ന് ഖുര്‍ആന്‍ പറയുന്നു. എന്നാല്‍ നമ്മുടെ നാട്ടില്‍ ചിലര്‍ പറയുന്നതോ? അതൊന്നും ഞങ്ങള്‍ക്ക് സമ്മതമല്ല; ചന്ദ്രന്‍ ചക്രവാളത്തിലുണ്ടെന്ന് ഞങ്ങള്‍ സമ്മതിക്കണമെങ്കില്‍ അത് ഞങ്ങളുടെ കണ്ണുകൊണ്ട് കാണണം. ഇല്ലെങ്കില്‍ അംഗീകരിക്കുകയില്ല. ഇവരെക്കുറിച്ച് നിങ്ങള്‍ എന്ത് പറയുന്നു?

ഇന്നു കാലത്ത് 6.17 ന്‌ സൂര്യന്‍ ഉദിക്കുമെന്ന് കലണ്ടറില്‍ കാണുന്നു. എന്നാല്‍ അന്തരീക്ഷം മേഘാവൃതമായതിനാല്‍ ആ സമയത്തോ പീന്നീട് മണിക്കൂറുകള്‍ക്ക് ശേഷമോ എനിക്ക് സൂര്യനെ കാണാന്‍ കഴിഞ്ഞിട്ടില്ല. അതുകൊണ്ട് ഇന്ന് സൂര്യന്‍ ഉദിച്ചിട്ടില്ലെന്നാണോ ഞാന്‍ പറായേണ്ടത്? അങ്ങനെ ആരെങ്കിലും പറയുമോ? വല്ല പൊട്ടന്മാരും പറഞ്ഞാല്‍ തന്നെ ആരെങ്കിലും അത് വകവെച്ച് കൊടുക്കുമോ?
സൂര്യനും ചന്ദ്രനും രണ്ട് ന്യായമോ?

സി.എന്‍. അഹ്‌മദ് മൗലവി

കെ.കെ. ആലിക്കോയ

മലപ്പുറം ജില്ലയിലെ തിരൂര്‍ താലൂക്കിലെ (ആദ്യ കാലത്തെ മധ്യ ഏറനാട്) വേങ്ങര പഞ്ചായത്തിലെ ചേറൂരിലാണ്‌ സി.എന്‍. അഹ്‌മദ് മൗലവിയുടെ ജനനം, 1905 ല്‍. പിതാവ്: നത്താന്‍കോടന്‍ ഹസ്സന്‍കുട്ടി. മാതാവ്: അഴുവത്ത് ഖദീജ (കൊളപ്പുറം/ അബ്‌ദുറഹിമാന്‍ നഗര്‍ പഞ്ചായത്ത്). ഏഴാം വയസ്സിലാണ്‌ സ്കൂളില്‍ ചേര്‍ത്തത്. അന്ന് പിതാവ് രോഗിയായിരുന്നു. അധികം താമസിച്ചില്ല, പിതാവ് മരണപ്പെട്ടു. സി.എന്‍. മൂന്നാം ക്ലാസ് വരെ പഠിച്ചു; അപ്പോഴേക്ക് ആ സ്കൂള്‍, അതിന്റെ ഭാരവാഹികള്‍ തന്നെ സ്തംഭിപ്പിച്ചു. പുനഃസ്ഥാപിക്കാന്‍ പല തവണ പലരും ശ്രമിച്ചെങ്കിലും നടന്നില്ല.

പിന്നീട് അദ്ദേഹം പഠിച്ചത് പാരമ്പര്യ രീതിയില്‍ മതപഠനം നടത്തുന്ന, കരുവാരക്കുണ്ടിലെ വലിയ ദര്‍സിലാണ്‌. ജ്യേഷ്ഠന്‍ കുഞ്ഞാലന്‍ മുസ്‌ലിയാരായിരുന്നു അദ്ധ്യാപകന്‍ (മുദര്‍രിസ്). നാലു വര്‍ഷം (1916-1620) അവിടെ തുടര്‍ന്നു. ഇക്കാലത്ത് അറബി വ്യാകരണം നന്നായി പഠിച്ചു. വിപുലമായ തോതില്‍ ആടു വളര്‍ത്തി കുടുംബം പുലര്‍ത്തുന്നവനായി 16 ആം വയസ്സില്‍. എന്നാല്‍ 1921 ലെ മലബാര്‍ കലാപം ഇതിനന്ത്യം കുറിച്ചു. അന്ന് ചീറിപ്പായുന്ന വെടിയുണ്ടകള്‍ക്കിടയില്‍ സ്വന്തം ജീവന്‍ നിലനിറുത്തുന്നതുപോലും ഏറെ ദുഷ്‌ക്കരമായിരുന്നു. അതോടെ വീടു വിട്ട് മലമ്പ്രദേശങ്ങളില്‍ താമസമാക്കേണ്ടിവന്നു. കലാപമൊടുങ്ങി വീട്ടില്‍ തിരിച്ചെത്തിയശേഷം അല്‍പ്പകാലം കൃഷിപ്പണി ചെയ്‌തു ഉപജീവനമാര്‍ഗ്ഗം കണ്ടെത്തി. ശേഷം കരുവാരക്കുണ്ട് വലിയ ദര്‍സില്‍ വീണ്ടും ചേര്‍ന്നു. അന്നവിടെ കാട്ടുകണ്ടന്‍ കുഞ്ഞഹമ്മദ് മുസ്‌ലിയാരായിരുന്നു മുദര്‍രിസ്.

പിന്നീട് മദ്രാസ് ജമാലിയ കോളേജില്‍ പഠിച്ചു. അക്കാലത്ത് മൌലാനാ അബുല്‍കലാം ആസാദ്, ഡോ. ഇഖ്‌ബാല്‍, സയ്യിദ് സുലൈമാന്‍ നദ്‌വി, മര്‍മഡ്യൂക് പിക്‌ത്താള്‍ തുടങ്ങി പല പണ്ഡിതന്മാരെയും കാണാനും അവരുടെ പ്രഭാഷണങ്ങള്‍ ശ്രവിക്കാനും അവസരം ലഭിച്ചു. ഇത് മൌലവിയെ പില്‌ക്കാലത്ത് ഒരു പുരോഗമനവാദിയാക്കുന്നതില്‍ വലിയ പങ്ക് വഹിച്ചിട്ടുണ്ട്. അക്കാലത്ത് അവിടെ വെച്ച് മുഹമ്മദ് അബ്‌ദുറഹിമാന്‍ സാഹിബിനെ കണ്ടതും അതുമൂലം കോണ്‍ഗ്രസിനോട് അനുഭാവം തോന്നിയതും അദ്ദേഹം വലിയ പ്രധാന്യത്തോടെ തന്റെ ആത്‌മകഥയില്‍ കുറിച്ചിട്ടുണ്ട്.

ഇതിനിടയില്‍ രസകരമായ ഒരു സംഭവമുണ്ടായി. ജമാലിയ്യ കോളേജിന്റെ മാനേജിങ് ട്രസ്റ്റി ഒരു പുരോഗമനവാദിയായിരുന്നു. അതോടൊപ്പം കോളേജിലെ അദ്ധ്യാപകരും വിദ്യാര്‍ത്ഥികളും അങ്ങനെയാകണമെന്ന നിര്‍ബന്ധവും അദ്ദേഹത്തിനുണ്ടയിരുന്നു. അദ്ധ്യാപകരിലെയും വിദ്യാര്‍ത്ഥികളിലെയും പുരോഗമനവാദികളെ കണ്ടെത്തുന്നതിന്നായി അവിടെ ഒരു പരീക്ഷ നടത്തി. 25 ചോദ്യങ്ങളാണ്‌ ഉണ്ടായിരുന്നത്‍. അന്ന് തന്റെ മനസ്സില്‍ നിന്ന് പഴഞ്ചനാശയങ്ങള്‍ പുറത്ത് പോയിട്ടില്ലാത്തതിനാല്‍ തല കുത്തനെയുള്ള ഉത്തരങ്ങളാണ്‌ എല്ലാ ചോദ്യത്തിനും എഴുതിയതെന്ന് മൌലവി ആത്മകഥയില്‍ കുറിച്ചിരിക്കുന്നു; അതോടെ അവിടെ നിന്ന് പുറത്തായി(1926).

നേരെ പൂനയിലേക്ക് പോയി. അവിടെ പരിഷ്‌കൃത സ്വഭാവത്തിലുള്ള ഒരു കോളേജുണ്ടെന്ന് കേട്ടിട്ടാണ്‌ അങ്ങോട്ട് പോയിരുന്നത്; പക്ഷേ, അതൊരു മദ്‌റസയായിരുന്നു, അതിനാല്‍ അവിടെ ചേരാന്‍ സാധിച്ചില്ല. പിന്നെ പോയത് ബോംബെയിലേക്കാണ്‌. അവിടെ കല്യാണ്‍ വലിയ ജുമാ മസ്‌ജിദില്‍ ഇമാമായി ജോലി ചെയ്യുന്ന കെ.ടി ഇബ്‌റാഹീം മൌലവിയുമായി കണ്ടുമുട്ടി. ഒരു വര്‍ഷം അദ്ദേഹത്തിന്റെ കൂടെ താമസിച്ച് പഠിച്ചു. ജീവിക്കാനുള്ള വരുമാനം ജോലി ചെയ്‌തു കണ്ടെത്തുകയായിരുന്നു. 1928 ല്‍ വെല്ലൂര്‍ ബാഖിയാത്തുസ്സാലിഹാത്തില്‍ ചേര്‍ന്നു. 1930 ല്‍ മൌലവി ഫാദില്‍ ബാഖവി (MFB) ബിരുദം കരസ്‌തമാക്കി. ബാഖിയാത്തിലെ പഠനത്തിനിടെ തന്നെ അഫ്‌ദലുല്‍ ഉലമയുടെ പരീക്ഷക്കാവശ്യമായ ഗ്രന്‍ഥങ്ങള്‍ സ്വയം പഠിക്കുന്നുണ്ടായിരുന്നു. അങ്ങനെ 1931 ല്‍ മദ്രാസ് യൂനിവേഴ്‌സിറ്റിയുടെ അഫ്‌ദലുല്‍ ഉലമാ പരിക്ഷയും പാസായി.

മാസങ്ങള്‍ക്കകം മലപ്പുറം ട്രെയ്നിങ്ങ് സ്കൂളില്‍ റിലീജ്യസ് ഇന്‍സ്ട്രക്‌ടറായി ജോലി കിട്ടി. 1936 ല്‍ മലപ്പുറം മുസ്‌ലിം ഹൈസ്‌ക്കൂള്‍ തുറന്നു. പിന്നെ അവിടെയാണ്‌ ജോലി ചെയ്‌തിരുന്നത്. 1944-ല്‍ ഈ ജോലി വിടാന്‍ തീരുമാനിച്ചു. പ്രധാനാധ്യാപകന്‍ സി.ഒ.ടി കുഞ്ഞിപ്പക്കി സാഹിബിന്റെ നിര്‍ദ്ദേശമനുസരിച്ച് രാജിക്ക് പകരം അഞ്ചു വര്‍ഷത്തേക്കൂള്ള ലീവിനാണ്‌ അപേക്ഷിച്ചത്. എന്നാല്‍ പിന്നീട് ആ ജോലിയില്‍ തിരിച്ചു പ്രവേശിച്ചിട്ടില്ല.

ജോലി വിട്ടതിന്നു ശേഷം ഊട്ടിയിലും വെല്ലൂരിലും കച്ചവടം ചെയ്‌തു. ഒന്നും വിജയിച്ചില്ല. പിന്നീട് കരുവാരക്കുണ്ടില്‍ തുണിക്കച്ചവടം നടത്തി; അതും പരാജയപ്പെട്ടു. ശേഷം കൃഷിയിലേക്ക് തിരിഞ്ഞു; മഹാഭാഗ്യമെന്നേ പറയേണ്ടൂ, അതും തകര്‍ന്നു. ആ ഘട്ടത്തിലാണ്‌ കരുവാരക്കുണ്ടില്‍ നിന്ന് 'അന്‍സാരി; മാസിക പ്രസിദ്ധീകരിക്കാന്‍ തുടങ്ങിയത്. ഇതോടു കൂടിയാണ്‌  പരിഷ്‌ക്കര്‍ത്താവായ സി.എന്‍ ജനിക്കുന്നത്. 1949 ഡിസംബറില്‍ മാസികയുടെ ആദ്യലക്കം പുറത്തിറങ്ങി. 14 ലക്കം ഇറങ്ങിയ ശേഷം അതും നിന്നുപോയി.

അന്‍സാരിയിലെ ഖുര്‍ആന്‍ പംക്തി വലിയ ജനശ്രദ്ധ ആകര്‍ഷിച്ചിരുന്നു. പെരുമ്പാവൂരിലെ മജീദ് മരൈക്കാര്‍ സാഹിബ് മൌലവിയെ കാണുകയും മലയാളത്തില്‍ ഒരു ഖുര്‍ആന്‍ പരിഭാഷ തയ്യാറാക്കാന്‍ ആവശ്യപ്പെടുകയും സാമ്പത്തിക സഹായം വാഗ്ദാനം നല്‌കുകയും  ചെയ്‌തു. 1951 ല്‍ അതിന്‌ തുടക്കം കുറിച്ചു. വലിയ ഒരു ഗ്രന്‍ഥശേഖരം ഒരുക്കുകയാണ്‌ ആദ്യം ചെയ്‌തത്. അറബി, ഉര്‍ദു, ഇങ്‌ഗ്ലീഷ്, പാര്‍സി, തമിഴ് ഭാഷകളിലുള്ള 22 തഫ്‌സീറുകള്‍ ആ ശേഖരത്തിലുണ്ടായിരുന്നുവെന്നും അവ പരിശോധിച്ച ശേഷമാണ്‌ പരിഭാഷയ്ക്കും വ്യാഖ്യാനത്തിനും അന്തിമരൂപം നല്‌കിയിരുന്നതെന്നും മൌലവി തന്നെ രേഖപ്പെടുത്തിയിട്ടുണ്ട്. ഇതിനകം ഈ ഭാഷകള്‍ അദ്ദേഹം വശമാക്കിയിരുന്നു. 1953 ല്‍  ഖുര്‍ആനിന്റെ നാലിലൊരു ഭാഗത്തിന്റെ പരിഭാഷയും വ്യാഖ്യാനവും പുറത്തിറങ്ങി. 1961 ല്‍ ആ ദൌത്യം പൂര്‍ത്തീകരിച്ചു. ഈ കൃതി 1964 മുതല്‍, രണ്ടു വാല്യങ്ങളിലായി എന്‍.ബി.എസ് (കോട്ടയം) പ്രസിദ്ധിക്കരിച്ചു വരുന്നുണ്ട്.

ഖുര്‍ആന്‍ പരിഭാഷായജ്ഞം പൂര്‍ത്തിയായതോടെ മൌലവി രോഗബാധിതനായി; ഒരു വര്‍ഷത്തിലേറെ നീണ്ട ചികില്‍സ; ആദ്യം തൃശൂരിലും പിന്നെ വെല്ലൂരിലും. മരണത്തിന്റെ വക്കില്‍ നിന്ന് വീണ്ടും ജീവിതത്തിലേക്ക്. 1963 ല്‍ രോഗം ഭേദമായി നാട്ടില്‍  തിരിച്ചെത്തിയശേഷം കിഴക്കന്‍ ഏറനാട്ടില്‍ ഒരു കലാലയം ​സ്ഥാപിക്കാനുള്ള ശ്രമത്തില്‍ ഏര്‍പ്പെട്ടു. മമ്പാട് അധികാരി അത്തന്‍ മോയിന്‍ സാഹിബ് നല്‍കിയ 30 ഏക്കര്‍ സ്ഥലത്താണത് സ്ഥാപിച്ചത്. 1965 മുതല്‍ 69 വരെ നടത്തിയ ശേഷം, സ്ഥാപനം എം.ഇ.എസിനെ ഏല്‍പ്പിച്ചു. അതാണ്‌ മമ്പാട് എം.ഇ.എസ് കോളേജ് എന്ന പേരില്‍ ഇന്നറിയപ്പെടുന്നത്.

ചിന്തയും പഠനവും എന്നും അദ്ദേഹത്തിന്റെ ഹോബിയായിരുന്നു. തനി യാഥാസ്ഥികനായിരുന്ന മൌലവിയില്‍ പുരോഗമനാശയത്തിന്റെ വിത്ത് പാകപ്പെട്ടത് മദ്രാസിലെ ജമാലിയ കോളേജില്‍ വെച്ചാണെങ്കിലും ആ മനസ്സില്‍ അന്നത് മുളച്ചിരുന്നില്ല. കടുത്ത യാഥാസ്ഥികത്വത്തിന്റെ കൂരിരുളില്‍ അത് സുപ്താവസ്ഥയില്‍ തന്നെ കഴിയുകയായിരുന്നു. വെല്ലൂരിലെ ബാഖിയാത്തുസ്സാലിഹാത്തില്‍ പഠിക്കുന്ന കലത്താണ്‌ ഇത് മുളയ്ക്കാനാവശ്യയ വെളിച്ചം ലഭിക്കുന്നത്. അത് നല്‍കിയത് കോളേജ് പ്രിന്‍സിപ്പാള്‍ ഹസ്രത്ത് അബ്ദുല്‍ ജബ്ബാറായിരുന്നു. അങ്ങനെ മദ്‌ഹബ് പക്ഷപാതിത്തം ഉള്‍പ്പെടെയുള്ള ബന്ധനങ്ങളില്‍ നിന്ന് മോചിതനായതോടെ  ഖുര്‍ആനും സുന്നത്തും അവലംബിച്ചുള്ളതും പക്ഷപാതമുക്തവുമായ പഠനവും ചിന്തയും ആരംഭിച്ചു. സ്വതന്ത്രമായി അഭിപ്രായം പറയാനുമുള്ള ധൈര്യം ലഭിച്ചതും ഇതു മൂലമായിരുന്നു.

ഖുര്‍ആന്‍ വിവര്‍ത്തനം ചെയ്യാന്‍ വേണ്ടിയുള്ള തയ്യാറെടുപ്പിന്റെ ഭാഗമായി ഗ്രന്‍ഥങ്ങള്‍ ശേഖരിക്കാന്‍ ഹൈദറാബാദില്‍ പോയിരുന്നു. വിലപ്പെട്ട പല കൃതികളും അവിടെ നിന്നാണ്‌ ശേഖരിച്ചത്. ആ യാത്രക്കിടെ മദ്രാസിലെ തന്റെ പഴയ കലാലയം അദ്ദേഹം സന്ദര്‍ശിച്ചിരുന്നു. അദ്ദേഹത്തിന്റെ ഗുരുവര്യന്‍ അല്ലാമാ അബ്‌ദുല്‍ ജലാല്‍ നദ്‌വി ഒരിടവേളയ്ക്കു ശേഷം വീണ്ടും അവിടെ പ്രിന്‍സിപ്പാളായി ചുമതല ഏറ്റതിന്നു ശേഷമായിരുന്നു അത്. നദ്‌വി മഹാ പണ്ഡിതനും ഗവേഷകനുമായിരുന്നു. താന്‍ ഖുര്‍ആന്‍ വിവര്‍ത്തനം തയ്യാറാക്കാന്‍ പോകുന്ന കാര്യം നദ്‌വിയെ അറിയിക്കുകയും ഉപദേശം തേടുകയും ചെയ്‌തു. അദ്ദേഹം നല്‌കിയ ശക്തമായ മുന്നറിയിപ്പുകളില്‍ ഒന്ന് സി.എന്‍ അനുസ്‌മരിക്കുന്നുണ്ട്. 'പരിശുദ്ധ ഖുര്‍ആനില്‍ ശ്രദ്ധ കേന്ദ്രീകരിച്ച് ചിന്തിച്ചുകൊണ്ട് പോകുമ്പോള്‍, മുസ്‌ലിംകള്‍ ഇതിനു മുമ്പെഴുതിയിട്ടുള്ള പല ചരിത്രങ്ങളും തെറ്റാണെന്ന് നിങ്ങള്‍ക്ക് ബോദ്ധ്യമാകും.' ഇത് കേട്ടപ്പോള്‍ സ്തംഭിച്ചുപോയെന്നും എന്നാല്‍ പിന്നീടത് ശരിയാണെന്ന് ബോദ്ധ്യം വന്നെന്നും സി.എന്‍ സാക്‌ഷ്യപ്പെടുത്തുന്നു. (ഇസ്‌ലാം ഒരു സമഗ്രപഠനം പേജ് 482)

മനുഷ്യ ന്‍  ചന്ദ്രനിലിറങ്ങുന്നതിനെക്കുറിച്ച് ആലോചിക്കുന്ന കാലത്ത് മുസ്‌ലിം പണ്ഡിതന്മാര്‍ അതിനെ വിമര്‍ശിക്കുകയായിരുന്നു ചെയ്‌തത്. അതസാദ്ധ്യമാണെന്നും  സാധിച്ചുവെന്ന് ആര്‌ പറഞ്ഞാലും വിശ്വസിക്കരുതെന്നും യാഥാസ്ഥികര്‍ പ്രചരിപ്പിച്ചുവരുന്ന കാലം.   മനുഷ്യന്‌ ചന്ദ്രനിലിറങ്ങാന്‍ സാധിക്കുമെന്നും അതാണ്‌ ഖുര്‍ആന്‍ പഠിപ്പിക്കുന്നതെന്നും, അന്ന് സി.എന്‍ എഴുതി. അല്‍ മനാര്‍ മാസികയിലായിരുന്നു അതെഴുതിയത്. അതിന്റെ അനന്തരഫലം മാസികയുടെ പത്രാധിപസമിതിയില്‍ നിന്ന് മൌലവി പുറത്താക്കപ്പെട്ടതായിരുന്നു. 10 വര്‍ഷത്തിനു ശേഷം 1969 ല്‍ മനുഷ്യന്‍ ചന്ദ്രനിലിറങ്ങി.

വിവാഹം, വിവാഹമോചനം, സ്വത്തവകാശം, വിദ്യഭ്യാസം, സാമൂഹികജീവിതം, ജോലി, കുടുംബജീവിതം തുടങ്ങി എല്ലാ രംഗങ്ങളിലും സ്ത്രീകള്‍ അനുഭവിച്ചുവരുന്ന വിവേചനത്തിനെതിരെ എന്നും തന്റെ തൂലിക ചലിപ്പിച്ചിരുന്ന പരിഷ്‌ക്കര്‍ത്താവാണ്‌ സി.എന്‍.  എല്ലാ തരം അന്ധവിശ്വാസങ്ങള്‍ക്കും ജീര്‍ണ്ണതകള്‍ക്കുമെതിരെ അദ്ദേഹം പോരാടിയിട്ടുണ്ട്. ഈ പോരാട്ടത്തില്‍ പലപ്പോഴും താന്‍ ഒറ്റയ്ക്കായിരുന്നു എന്നതാണ്‌ അദ്ദേഹത്തിന്റെ സവിശേഷത. ''മുസ്‌ലിംകള്‍ ഇന്നു വെച്ചുപുലര്‍ത്തിപ്പോരുന്ന വിശ്വാചാരങ്ങളില്‍ അമ്പതു ശതമാനവും ഖുര്‍ആനിലെ പച്ചപ്പരമാര്‍ത്ഥങ്ങള്‍ക്കു വിരുദ്ധമാ''ണെന്ന് എഴുതുന്ന (ചന്ദ്രമാസനിര്‍ണ്ണയം, 1991) പരിഷ്‌ക്കര്‍ത്താവായ ഒരു പണ്ഡിതന്ന്, യാഥാസ്ഥികരില്‍ നിന്ന് കല്ലേറല്ലാതെ പൂമാല എങ്ങനെ ലഭിക്കും?

1959-'64 കാലത്ത് കേരള സാഹിത്യ അക്കാദമി അംഗമായിരുന്നു. 1989 ല്‍ അക്കാദമി ഫെല്ലോഷിപ്പ് നല്‌കി മൌലവിയെ ആദരിച്ചു.
 1993 ഏപ്രില്‍ 27ന്  കോഴിക്കോട് വെച്ച് 88 ആം വയസ്സില്‍ മൗലവി നിര്യാതനായി.



കൃതികളില്‍ ചിലത്:
ഇസ്‌ലാമിലെ ധനവിതരണപദ്ധതി (1953)
ഇസ്‌ലാം ഒരു സമഗ്ര പഠനം (1965)
ഇവ രണ്ടിന്റെയും ഇങ്‌ഗ്ലീഷ് പതിപ്പുകള്‍  (1.1979, 2.?)
സഹീഹുല്‍ ബുഖാരി പരിഭാഷ (1970)
ഇസ്‌ലാം ചരിത്രം, മഹത്തായ മാപ്പിള സാഹിത്യ പാരമ്പര്യം (1978)
യസ്സര്‍നല്‍ ഖുര്‍ആന്‍ (1981?)
ചന്ദ്രമാസ നിര്‍ണ്ണയം (1991)
ഖുര്‍ആന്‍ ഇന്‍ഡക്‌സ്
അഞ്ചു നേരത്തെ നമസ്‌ക്കാരം ഖുര്‍ആനില്‍ (1988)



അവലംബം:
1) ഇസ്‌ലാം ഒരു സമഗ്ര പഠനം. ഇതിന്റെ 475-486 പേജുകളിൽ 'സി.എന്‍. അഹ്‌മദ് മൌലവി സ്വന്തം വാക്കുകളിള്‍' എന്ന തലക്കെട്ടിലുള്ള ആത്മകഥ  (Fifth revised edition 1997, Al huda Book Stall, Calicut-1)
2) സഹീഹുല്‍ ബുഖാരി പരിഭാഷ. ഈ കൃതിയുടെ പരിഷ്‌ക്കരിച്ച ഏഴാം പതിപ്പിന്‌ ശ്രീ. എം.എന്‍. കാരശ്ശേരി എഴുതിയ ആമുഖം.    (Al huda Book Stall, Calicut-1)

Islamic Calendar 2012 - Ummul Qura Hijri Dates

Islamic Calendar 2012 - Ummul Qura Hijri Dates

1433 ശവ്വാല്‍

കെ.കെ. ആലിക്കോയ

2012 ജൂലായ് 19ന്‌ സൂര്യന്‍ അസ്‌തമിച്ച് ആറു മിനിറ്റ് കഴിഞ്ഞാണ്‌ ചന്ദ്രന്‍ അസ്‌തമിച്ചത്. അതിനാല്‍ ജൂലൈ 20 റമദാന്‍ ഒന്നായി കണക്കാക്കേണ്ടതായിരുന്നു. എന്നാല്‍ ഹിലാല്‍, കണ്ണുകൊണ്ട് കാണണമെന്ന യാഥാസ്ഥിക മര്‍ക്കടമുഷ്ടി മൂലം ആ ഭാഗ്യം നമ്മുടെ നാട്ടുകാര്‍ക്ക് നിഷേധിക്കപ്പെട്ടു. അങ്ങനെ റമദാന്‍ ഒന്നിന്‌ പകരം  രണ്ടിന്‌  വ്രതാനുഷ്ഠാനം ആരംഭിക്കാന്‍ തീരുമാനമായി. കഷ്ടം എന്നല്ലാതെന്തു പറയാന്‍!

ഗോളാശാസ്ത്രക്കണക്കനുസരിച്ച് 2012 ആഗസ്‌ത് 17 ന്‌ റമദാന്‍ 29 ആയിരിക്കും. അന്ന് രാത്രി IST 9:25 നാണ്‌ അമാവാസി അവസാനിക്കുന്നത്. അതിനാല്‍ അന്ന് ഹിലാല്‍ കാണുകയില്ല. അമാവാസി അവസാനിച്ചതിന്റെ പിറ്റേന്ന് ഒന്നാം തിയ്യതിയായി കണക്കാക്കുന്നത് പ്രവാചകമാതൃകയില്‍ ഇല്ലാത്ത കാര്യമാണ്‌. സൂര്യാസ്‌തമയ ശേഷം ചക്രവാളത്തില്‍ ഹിലാല്‍ കാണുന്ന ആദ്യ സന്ധ്യ മുതല്‍ പുതിയ മാസം ആരംഭിക്കുന്ന രീതിയാണ്‌ നബിചര്യയില്‍ കാണുക.  ഹിലാല്‍ കണ്ണുകൊണ്ട് കാണുക എന്നത് അന്ന് അനിവാര്യമായിരുന്നു. അതിന്റെ കാരണം നബി തന്നെ വ്യക്തമാക്കിയിട്ടുണ്ട്. 'നാം നിരക്ഷരായ ഒരു ജനതയാണ്‌; നമുക്ക് എഴുത്തും കണക്കും അറിയില്ല'. അപ്പോള്‍ കണക്ക് കൂട്ടാനറിയുന്നവര്‍ കണക്കിനെയാണ്‌ അവലംബിക്കേണ്ടതെന്നും കാണുക എന്നത് 'ദറൂറത്തിന്റെ മസ്‌അല'യാണെന്നും ഇതില്‍ നിന്ന്  ഗ്രഹിക്കാവുന്നതാണ്‌. 

 സൂര്യന്‍ അസ്‌തമിച്ച ശേഷം ചന്ദ്രന്‍ ആകാശത്തുണ്ടാകുമോ എന്നാണ്‌ കണക്ക് കൂട്ടേണ്ടത്. ആഗസ്‌ത് 18ന്‌ സൂര്യന്‍ അസ്‌തമിക്കുന്നത് 6:44 നും ചന്ദ്രന്‍ അസ്‌തമിക്കുന്നത് 7:09 നുമാണ്‌. അഥവാ സൂര്യാസ്‌തമയശേഷം 25 മിനിറ്റ് നേരം ചന്ദ്രന്‍ ആകാശത്തുണ്ടാകും.  ആഗസ്‌ത് 18ന്‌  നമ്മുടെ കണ്ണുകൊണ്ട് ഹിലാല്‍ കണ്ടാലും ഇല്ലെങ്കിലും ആഗസ്‌ത് 19 ന്‌ ശവ്വാല്‍ ഒന്നാണ്‌. 

സത്യസായ് ബാബ എപ്പോഴാണ്‌ മരിക്കുക?

കെ.കെ. ആലിക്കോയ

ഇതിനുത്തരം അദ്ദേഹം നേരത്തെ നല്‍കിയിട്ടുണ്ട്. ഒരു റിപ്പോര്‍ട്ട് പ്രകാരം 96-ം  വയസ്സിലാണ്‌ മരിക്കുക. ആ പ്രസ്താവന അദ്ദേഹം നേരിട്ട് നടത്തിയതല്ലെന്നും ശിഷ്യന്മാരിലാരോ പറഞ്ഞതാണെന്നും വിശദീകരിക്കപ്പെട്ടിട്ടുമുണ്ട്. എന്നാല്‍ മറ്റ് രണ്ട് പ്രസ്താവനകള്‍ 1960 ലും '61 ലും നടത്തിയത് അദ്ദേഹത്തിന്റേതായി സ്ഥിരീകരിക്കപ്പെട്ടിട്ടുണ്ട്. 60 ല്‍ പറഞ്ഞത് ഇനി 59 വര്‍ഷം കൂടി ജീവിച്ചിരിക്കുമെന്നാണ്‌. (1960 + 59 = 2019) 61 ല്‍ പറഞ്ഞത് 58 വര്‍ഷം കൂടി ഉണ്ടാകുമെന്നും. (1961 + 58 = 2019) അപ്പോള്‍ 2019 ലാണ്‌ അദ്ദേഹത്തിന്റെ മരണം നടക്കേണ്ടത്. സത്യസായി സ്പീക്സ് വാള്യം ഒന്നിലും രണ്ടിലുമായി ഇത് കാണാവുന്നതാണ്‌:


Sathya Sai Speaks, Volume One,
Prashaanti Nilayam, September 29th 1960:


The miracle is but the natural behavior of the miraculous. That is why I favour you with the experience now and then, so that you may get a glimpse of the Glory. I will be in this mortal human form 59 years more and I shall certainly achieve the purpose of this avathaar; do not doubt it. I will take My own time to carry out My Plan so far as you are concerned. I cannot hurry because you are hurrying.
1960 + 59 years = the year 2019


Sathya Sai Speaks, Volume Two,
Prashaanti Nilayam, October 21st 21 1961:


You will witness Puttaparthi becoming a Madhura Nagara (birth place of Krishna). No one can stop this development or delay it. I will not give you up, nor can any one of you give Me up. Even if you lose faith, you will repent and come to this refuge very soon, clamouring for admission. I shall be in this body for 58 years more; I have assured you of this already. Your lives are intertwined with My earthly career. Act always in accordance with that great privilege.
1961 + 58 years = the year 2019

· · April 24, 2011 at 11:11am

أحاديث منتقاة من رسالة أحاديث لا تصح للشيخ سليمان الخراشي

• 
  

  
  1 - " نحن قوم لا نأكل حتى نجوع، وإذا أكلنا لا نشبع "
  
  قال عنه الشيخ عبد العزيز بن باز –رحمه الله- في مجموع فتاواه (4/122): "في سنده ضعف" ولم يذكر –رحمه الله- من رواه. وقال الشيخ عبد العزيز السدحان: "فتشت عنه كثيراً، وسألت عنه كثيراً، فلم أظفر بشيء غير ما ذكره سماحة الشيخ عبد العزيز بن باز"([1])
  
  
  2- "أمرت أن أحكم بالظاهر والله يتولى السرائر"
  
  قال السخاوي: "لا وجود له في كتب الحديث المشهورة، ولا الأجزاء المنثورة، وجزم العراقي بأنه لا أصل له، وكذا أنكره المزي وغيره "([2])
  
  3- "ليس الإيمان بالتمني ولا بالتحلي ، ولكن ما وقر في القلب وصدقه العلم"
  
  قال الألباني : "موضوع"([3]) وروي من كلام الحسن البصري
  
  4- " خير البر عاجله "
  
  قال العجلوني : "ليس بحديث "([4])
  
  5- " كما تدين تدان "
  
  قال المناوي في تخريج تفسير البيضاوي (1/102): "أخرجه البيهقي في الأسماء والصفات بسند ضعيف " 6- " روحوا القلوب ساعة وساعة "
  
  أخرجه القضاعي في مسند الشهاب (672). وقال محققه الشيخ حمدي السلفي: "في إسناده الوليد بن محمد الموقري، وهو متروك، فهو ضعيف" 21- " اطلبوا العلم ولو بالصين "
  
  قال ابن عراق : (قال ابن حبان : حديث باطل لا أصل له ) ([5]) . وقال ابن الجوزي في الموضوعات: بعد أن رواه بسنده (هذا حديث لا يصح عن رسول الله صلى الله عليه وسلم…)([6])29- " لا صلاة لجار المسجد إلا في المسجد "
  
  قال العجلوني : (رواه الدارقطني والحاكم والطبراني فيما أملاه، ومن طريقه الديلمي عن أبي هريرة، والدارقطني عن علي مرفوعاً، وابن حبان في الضعفاء عن عائشة، وأسانيدها ضعيفة، وليس له كما قال الحافظ في تلخيص تخريج الرافعي إسنادٌ ثابت وإن اشتهر بين الناس… وقال الصغاني: موضوع، وقال ابن حزم: هذا الحديث ضعيف) ([7])
  
  36- " لا تنظر إلى صغر الخطيئة، ولكن انظر إلى عظمة من تعصي "
  
  قال ابن عراق: (رواه أبو نعم من حديث عمرو بن العاص، وفيه محمد بن اسحق العكاشي. قلت: أورده ابن الجوزي في الواهيات من الطريق المذكور ومن حديث ابن عمر من طريق غالب بن عبيد الله، ومن حديث أبي هريرة من طريق أبي داود النخعي، ثم قال: هذا إنما يثبت من قول بلال بن سعد، والله تعالى أعلم)([8])قال ابن الجوزي في "العلل المتناهية في الأحاديث الواهية"([9]) : (هذا مشهور من كلام بلال بن سعد، وإنما رفعه إلى رسول صلى الله عليه وسلم الكذابوان). 39- " اتقوا فراسة المؤمن فإنه ينظر بنور الله تعالى "
  
  قال ابن عراق : (رواه أبو نعيم من حديث ابن عمر، وابن عرفة في جزئه من حديث أبي سعيد، والطبراني من حديث أبي أمامة، وابن الجوزي من حديث أبي هريرة، ولا يصح…)([10]) .وذكره ابن الجوزي في الموضوعات([11]) . 43- " لا تظهر الشماتة بأخيك فيرحمه الله ويبتليك "
  
  قال الشوكاني : " قال في الذيل: لا يصح. وقال الصغاني : موضوع. وقال في الوجيز : هو من حديث واثلة بن الأسقع، وفيه عمر بن إسماعيل، كذاب"([12])47- " اتق شر من أحسنت إليه "
  
  قال السخاوي : "لا أعرفه، ويشبه أن يكون من كلام بعض السلف"([13])55- " النظافة تدعو إلى الإيمان "
  
  رواه الطبراني في الأوسط " بسند ضعيف جداً " كما قال القاري([14])
  
  56- " جنبوا مساجدكم صبيانكم "
  
  رواه ابن ماجه ، وقال السخاوي : "سنده ضعيف "([15])57- " الجنة تحت أقدام الأمهات "
  
  قال الألباني : "موضوع "([16])
  
  58- " حب الوطن من الإيمان "
  
  ذكره الصاغاني في الموضوعات([17]) ، وقال السخاوي : "لم أقف عليه"([18])
  
  59- " الحفظ في الصغر كالنقش في الحجر "
  
  قال القاري : "ليس بثابت" ([19]) ونسبه ابن عبد البر في (جامع بيان العلم وفضله) ([20]) إلى بعض السلف .
  
  ومثله : 60- " العلم في الصغر كالنقش في الحجر "
  
  قال العجلوني : "رواه البيهقي عن الحسن البصري من قوله "([21])وقال شيخ الإسلام في منهاج السنة ( 7/526): " هذا مثل سائر ، ليس من كلام النبي صلى الله عليه وسلم " .
  
  62- " خير الأمور أوسطها "
  
  قال السخاوي : "رواه ابن السمعاني في ذيل تاريخ بغداد بسند مجهول"([22])
  
  63- " رجعنا من الجهاد الأصغر إلى الجهاد الأكبر، قالوا: وما الجهاد الأكبر؟ قال: جهاد القلب " قال ابن حجر : "هو مشهور على الألسنة، وهو من كلام إبراهيم بن أبي عبلة" . وقال العراقي: "رواه البيهقي من حديث جابر وقال: هذا إسناد فيه ضعف"([23])وقال شيخ الإسلام ابن تيمية : "لا أصل له، ولم يروه أحد من أهل المعرفة بأقوال النبي صلى الله عليه وسلم وأفعاله . وجهاد الكفار من أعظم الأعمال، بل هو أفضل ما تطوع به الإنسان "([24])
  
  64- " سيد القوم خادمهم "
  
  قال السخاوي : "في سنده ضعف وانقطاع"([25])وقال الألباني: "ضعيف "([26])
  
  65- " الضرورات تبيح المحظورات "
  
  قال العجلوني : "ليس بحديث "([27])66- " كما تكونوا يولى عليكم "
  
  رواه البيهقي في شعب الإيمان (7391) بلفظ : "كما تكونوا كذلك يؤمر عليكم "، وقال: "هذا منقطع، وراويه يحيـى بن هاشم؛ وهو ضعيف " وقال الشوكاني : "في إسناده وضاع، وفيه انقطاع "([28])69- " المعدة بيت الداء، والحمية رأس الدواء "
  
  قال السخاوي : "لا يصح رفعه إلى النبي صلى الله عليه وسلم، بل هو من كلام الحارث بن كلدة طبيب العرب "([29])
  
  
  70- " من لم تنهه صلاته عن الفحشاء والمنكر لم يزدد من الله إلا بعداً"
  
  قال الألباني : "باطل، وهو مع اشتهاره على الألسنة لا يصح من قبل إسناده ولا من جهة متنه "([30])
  
  71- " الناس على دين ملوكهم "
  
  قال السخاوي : "لا أعرفه حديثاً … وللبيهقي عن كعب الأحبار قال: إن لكل زمان ملكاً يبعثه الله على نحو قلوب أهله …"([31])73- " الدين المعاملة "
  
  "لا أصل له" قاله الألباني في سلسلة الأحاديث الضعيفة (5/11). وقال الشيخ عبد العزيز السدحان: "فتشت عنه كثيراً ولم أعثر عليه "([32])75- " نية المؤمن خير من عمله "
  
  قال الألباني: "ضعيف، رواه الطبراني "([33]) وأخرجه البهيقي في شعب الإيمان (5/343) بلفظ: "نية المؤمن أبلغ من عمله " وقال : "هذا إسناد ضعيف". 82- " لا سلام على طعام "
  
  83- وفي لفظ: "لا سلام على آكل "
  
  قال الملا علي القاري: "لا أصل له "([34])87- " من أعان ظالماً سلطه الله عليه "
  
  قال الشوكاني : "في إسناده متهم بالوضع"([35])
  
  88- " كانت خطيئة داود النظر "
  
  قال الشوكاني : "لا أصل له "([36])
  
  89- " حسنات الأبرار سيئات المقربين "
  
  ليس بحديث . قال السخاوي : "هو من كلام أبى سعيد الخراز، رواه ابن عساكر في ترجمته "([37])
  
  90- " الخير فيّ وفي أمتي إلى يوم القيامة "
  
  قال الحافظ ابن حجر : "لا أعرفه "([38])
  
  91- " خير الأسماء ما عُبِّد وحُمّد "
  
  92- وفي لفظ: "أحب الأسماء إلى الله ما عُبِّد وحُمِّد "
  
  قال الغزي: "لا يعرف بهذا اللفظ "([39])وقال الألباني : " لا أصل له "([40])
  
  93- " صوموا تصحوا "
  
  ذكره الصغاني في الموضوعات([41]) . وقال الألباني : "ضعيف "([42])
  
  أحاديث منتقاة من رسالة أحاديث لا تصح للشيخ سليمان الخراشي
  
  ([1]) تحت المجهر (2/61) .
  
  ([2]) المقاصد الحسنة (برقم 178) .
  
  ([3]) السلسلة الضعيفة (رقم 1098).
  
  ([4]) كشف الخفاء ( برقم 1229).
  
  ([5]) تـنـزيه الشريعة (1/258).
  
  ([6]) الموضوعات (1/216).
  
  ([7]) كشف الخفاء (رقم 3073) .
  
  ([8]) تنـزيه الشريعة (2/234).
  
  ([9]) (2/288) .
  
  ([10]) تنـزيه الشريعة (2/305).
  
  ([11]) (3/145).
  
  ([12]) الفوائد المجموعة (ص 265) .
  
  ([13]) المقاصد الحسنة (رقم 25) .
  
  ([14]) الموضوعات الصغرى (ص 78) .
  
  ([15]) المقاصد الحسنة (رقم 372)
  
  ([16]) السلسلة الضعيفة ( ح 593 ).
  
  ([17]) (رقم 81)
  
  ([18]) المقاصد الحسنة (رقم 386)
  
  ([19]) الأسرار المرفوعة (رقم 177) .
  
  ([20]) (1/82) .
  
  ([21]) كشف الخفاء (2/85).
  
  ([22]) المقاصد الحسنة (رقم 455) .
  
  ([23]) السلسلة الضعيفة للألباني (رقم 2460) .
  
  ([24]) الفتاوى (11/ 197) .
  
  ([25]) المقاصد الحسنة (رقم 579) .
  
  ([26]) السلسلة الضعيفة (رقم 1502) .
  
  ([27]) كشف الخفاء (2/45 )
  
  ([28]) الفوائد المجموعة (رقم 624) .
  
  ([29]) المقاصد الحسنة (رقم 1035) .
  
  ([30]) السلسلة الضعيفة (رقم 2) .
  
  ([31]) المقاصد الحسنة (رقم 1236) .
  
  ([32]) تحت المجهر (3/93) .
  
  ([33]) السلسلة الضعيفة (5/244) .
  
  ([34]) الأسرار المرفوعة (رقم 592) .
  
  ([35]) الفوائد المجموعة (رقم 635) .
  
  ([36]) الفوائد المجموعة (رقم 609) .
  
  ([37]) المقاصد الحسنة (رقم 404) .
  
  ([38]) المقاصد الحسنة (رقم 468) .
  
  ([39]) الجد الحثيث (رقم 150) .
  
  ([40]) السلسلة الضعيفة (رقم 411) .
  
  ([41]) رقم (72)
  
  ([42]) السلسلة الضعيفة (رقم 253) .
  
  Source: http://www.ahlalhdeeth.com/vb/showthread.php?t=244247

റസൂലുല്ലാഹി അദ്‌നാന്‍ (സ)?

കെ.കെ. ആലിക്കോയ

അന്ത്യനാളിന്റെ മുമ്പായി വരുമെന്ന് ഹദീസുകളില്‍ പ്രവചിക്കപ്പെട്ട ഇമാം മഹ്‌ദിയുടെ പേര്‌ നബിയുടെ പേരായിരികുമെന്നും ചില ഹദീസുകളിലുണ്ടല്ലോ. എന്നാല്‍ മഹ്‌ദി വേശം കെട്ടുന്ന -സ്വയം വാദിക്കുകയില്ല, മറ്റുള്ളവര്‍ വാദിക്കും- ഹാറൂന്‍ യഹ്‌യാക്ക് അയാളുടെ പേരൊരു തടസ്സമാണ്‌. അദ്‌നാന്‍ ഒക്‌താര്‍ എന്നാണ്‌ പേര്‌.

ഈ തടസ്സം നീക്കാന്‍ രണ്ടു തരം ശ്രമങ്ങള്‍ നടക്കുന്നു. ഒന്ന് മുഹമ്മദ് നബിക്ക് അദ്‌നാന്‍ എന്നുകൂടി പേരുണ്ടായിരുന്നു എന്ന് വാദിക്കുക. ഇത് വിജയിക്കാതെ പോകുമോ എന്ന ആശങ്ക അവര്‍ക്കുണ്ട്. അതുകൊണ്ടുതന്നെ കൂട്ടത്തില്‍ മറ്റൊരു ശ്രമം കൂടി നടത്തുന്നുണ്ട്.

ഹാറൂന്‍ യഹ്‌യക്ക് മുഹമ്മദ് എന്നുകൂടി പേരുണ്ടെന്ന് വരുത്തുക. ഇതിനെ ചോദ്യം ചെയ്തപ്പോള്‍ അവര്‍ പറയുന്നത് ഹാറൂന്‍ യഹ്‌യയെ അദ്ദേഹത്തെ വല്ലാതെ സ്നേഹിക്കുന്ന ഒരാള്‍ മുഹമ്മദ് എന്ന് വിളിച്ചപ്പോള്‍ അദ്ദേഹമത് നിഷേധിച്ചിട്ടില്ലെന്ന്. പോരേ തെളിവ്?

എന്തും വിശ്വസിക്കാന്‍ കുറെ മരത്തലയന്മാര്‍ കൂടെയുള്ളവര്‍ക്ക് എന്താ ജല്പിച്ചുകൂടാത്തത്?

ഹിലാല്‍ ദര്‍ശനം: ഒരു അറേബ്യന്‍ നുണ

കെ.കെ. ആലിക്കോയ

സഊദി അറേബ്യയില്‍ ജൂലൈ 19 ന്‌ ഹിലാല്‍  കണ്ടതിന്റെ അടിസ്ഥാനത്തില്‍ 20 ന്‌ റമദാന്‍ നോമ്പ് ആരംഭിക്കാന്‍ തീരുമാനിച്ചിരിക്കുന്നു. സഊദിയിലെ പ്രധാന നഗരങ്ങളായ മക്ക, മദീന, റിയാദ് എന്നിടങ്ങളില്‍ സൂര്യാസ്‌തമയത്തിനു ശേഷം യഥാക്രമം 6, 5, 3 മിനിറ്റുകള്‍ കഴിഞ്ഞാണ്‌  ജൂലൈ 19 ന്‌ ചന്ദ്രന്‍ അസ്‌തമിച്ചത്. അതിനാല്‍ 20 ന്‌ റമദാന്‍ തുടങ്ങാനുള്ള തീരുമാനം  സ്വാഗതാര്‍ഹമാണ്‌. എന്നാല്‍ 19 ന്‌ അസ്‌തമയ ശേഷം ഹിലാല്‍ കണ്ടു എന്ന പ്രസ്താവന മിതമായ ഭാഷയില്‍ പറഞ്ഞാല്‍ നുണയാണ്‌. കാരണം 3, 5, 6 മിനിറ്റ് നേരം ചക്രവാളത്തിലുണ്ടാകുന്ന ചന്ദ്രനെ ലോകത്ത് ഇന്നു വരെ ആരും ഒരിടത്തും കണ്ടതായി ഒരു രേഖയും നിലവിലില്ല. സൂര്യാസ്‌തമയ ശേഷം 20 മിനിറ്റില്‍ കൂടുതല്‍ സമയം ചന്ദ്രന്‍ ചക്രവാളത്തിലുണ്ടായാല്‍ മാത്രമേ കാണാന്‍ കഴിയുകയുള്ളു. എന്നാണ്‌ ഒബ്‌സര്‍വേറ്ററികളില്‍ നിന്നുള്ള റിപ്പോര്‍ട്ടുകള്‍ പറയുന്നത്.

സൂര്യാസ്‌തമയ ശേഷം ചന്ദ്രന്‍ ചക്രവാളത്തിലുണ്ടെങ്കില്‍ അതോടെ പുതിയ മാസം ആരംഭിക്കുകയാണ്‌ സഊദിയില്‍  ഇപ്പോള്‍ ചെയ്തുവരുന്നത്; ഹിലാല്‍ കാണണമെന്ന വാശി അവര്‍ക്കില്ല. എന്നാല്‍ ഇത് സമൂഹത്തോട് തുറന്നു പറയാന്‍ അവര്‍ ധൈര്യം കാണിക്കാറില്ല. പകരം അവരൊരു നുണ പറയും: 'ഇന്ന സ്ഥലത്ത് കണ്ടതിന്റെ അടിസ്ഥാനത്തില്‍....' എന്ന്.
''സത്യം പറയുക; അത് കൈപ്പുറ്റതാണെങ്കിലും.'' (ഹദീസ്)